عوزة اشترى معجزة

تدبيرك فاق العقول

اسرة بسيطة مكونة من بابا وماما والاطفال توتة واندرو

فى يوم اشتكى اندرو من راسة الى بتوجعة

واتكرر الموضوع دة كذا مرة

راحة الاسرة البسيطة تكشف لابنها عشان يعرفوا السبب

واكتشفوا ان الراس الصغيرة دى فيها ورم

ومحتاجة عملية ضرورى وتمن العملية كبير جدا

والاسرة بسيطة متمتلكش ثمن العملية

تعبت الاسرة جدا وجو الحزن خيم على البيت

وتوتة مش مستحملة تشوف اخوها تعبان

راحت لمامتها تقولها : يا ماما هو اندرو مالة

ماما: تعبان يا حبيبتى قوى

توتة: طيب يا ماما ما تجيبولوا اى حاجة تريحة

ماما: محتاج معجزة يا حبيبتى صلى لبابا يسوع يا توتة

فكرة توتة تعمل اية نفسها تشوف اخوها مبسوط وبيلعب معاها من تانى

راحت على غرفتها وجابت الحصالة وفتحتها ولقيت فيها جنية وربع

اخدتهم وراحت على الصيدلية

وقالت للصيدلى : يا عمو عوزة اشترى معجزة

استغرب الصيدلى معجزة وبجنية وربع ؟؟؟؟؟؟؟؟؟

مفيش دواء بالاسم دة ولا بالمبلغ دة ؟؟؟؟؟؟؟؟

وكان واقف جنب الصيدلى دكتور

نزل على ركبة و حضن توتة وقلها عوزة معجزة لمين يا حبيبتى

فقالت اندرو اخويا تعبان وماما قالت انة محتاج معجزة عشان كدة انا جيت اشتريلة معجزة

خد يا عمو الجنية وربع وادينى معجزة عشان اندرو يخف

فقالها الدكتور ممكن تودينى اشوف اندرو

وفعلا راح الدكتور مع توتة ودخل البيت واتفق مع والدة اندرو انها تجبلوا اندرو فى العيادة واداها الكرت بتاعة

تانى يوم راحت الاسرة ومعاها اندرو للدكتور الى اسمة مكتوب على الكرت

وعرفوا انة من اكبر الجراحين فى عمليات الاورام

كشف الدكتور على اندرو وحدد ميعاد العملية

وعمل العملية لاندرو

ورفض ياخد اى اتعاب غير الجنية وربع بتوع توتة

والام من الفرحة مش عارفة تشكر ربنا ازاى

ازاى دبر ان توتة تروح الصيدلية دى بالذات

وازاى تروح توتة فى نفس الوقت الى هيكون فية الدكتور دة موجود

عشان يسمعها وهى بتطلب تشترى معجزة لاخوها

ازاى و ازاى و ازاى

والاجابة

تدبيرك فاق العقول

+++++++++++++++++
ياااه!! شفتوا الايمان ممكن يعمل إيه؟
شوفتوا المحبة و العطاء ممكن تعمل إيه؟؟

البنت طلعت كل فلوسها اللى فى الحصالة و راحت تشترى بيهم معجزة لأخوها
ماقالتش أخلى حاجة أشترى بيها مصاصة ولا شيبسى، لأ، كل فلوسها راحت تشترى بيها معجزة.
ليه؟ عشان بتحب أخوها و نفسها يبقى كويس.
و على قد إيمانها البسيط ده، ربنا إداها المعجزة اللى هي عايزاها
ربنا يدينا إيمان و محبة زى البنت دى

الله يا سمرا
معجزة جميلة وإيمان أجمل
شكرا ليكى حبيبتى
وربنا يباركك

اشكرك حبيبتى ابنة مارجرجس على الردود الجميله

الرب يبارك حياتك وخدمتك

» ++عاوزة اشترى معجزة+++
» عاجل .. د . نبيل لوقا بباوي يؤكد حدوث معجزة له ويكتب .. معجزة للعذراء مريم ببورسعيد ..
» معجزة مارجرجس مع طفل
» معجزة نقل كنيسة
» معجزة شفاء من تآكل و ألتهاب بالركبة